1 Timothy 2
Got Nga Mbi Paka Ruing Ei Mel
1Kuimp tep na ik ti ronduⱡ mondᵾp, kundᵾp nimp ent ei, nim ndi, wamp mbᵾ nga pora, atinga rondkᵾn omba, Got ndi, wamp mbᵾ kaimp kuⱡangga ni, wu nuim na, wu ou mbᵾ pora, wote tᵾn moⱡpᵾn kai mondmin uⱡ kun kai mbᵾ itᵾmᵾn, nᵾkᵾn atinga rundi! 3Uⱡ ei, Got tᵾn nga Etpa Ti Wu ei ndi, kandpa kai pᵾtᵾm. Got elim kᵾn rukᵾr puk, ik kupa ei pilik, mbi ndeing nimba pᵾtᵾm. 5Ei kᵾn, Got tenda ei morum. Wote Got kᵾn, wamp mbᵾ nga ruk ting ila morum wu ei, Kraist Jisas, wamp mbᵾ pora, etᵾp timp nimba kurum ei ndi, tᵾn rop ropa tilinga, akup tᵾn elim nga wamp mendpᵾⱡ kᵾⱡ mormin. Uⱡ ei ndi, ora ndupa, Got ndi, tᵾn wamp mbᵾ pora, rukᵾr timp nimba itim uⱡ ei, elim to ropa pinditim ui ila kᵾn Jisas kurum. 7Uⱡ puⱡ ila, na Got nga ik kupa ei kᵾn, mondpa pili uⱡ ei kᵾn, ik puⱡ nᵾmp ngump, wote nombuⱡa rung wu ei, muⱡeimp nimba, God ndi, na kandpa titim. Na kupa nᵾnt, ik kol rui narᵾnt. Na ik mbo wu ei ndi, nᵾnt ik ei, enim wamp rᵾⱡaip elpa mbᵾ ndi, ik kupa ei mondᵾk pilᵾi! 8Muⱡ kump mbila pora, wu mbᵾ popᵾⱡ kandᵾk ti natᵾk, wingti ralk molk, ki ru rok atinga reing nᵾmp nᵾnt. 9Wote, uⱡ ti pᵾnt ei, amp mbᵾ pora numan mbo pilik, en enim nga rarmin mel mbᵾ ralk tᵾtᵾpal na, ki rung na, ku moni ou ndupa purum mel mbᵾ kᵾn, kᵾng nin kᵾni uⱡ etmin mbᵾ pora, wak rᵾi! 10I etᵾk, kᵾng moke iti mel, Got nga kongun kai mbᵾ etᵾk elim nga mbi paka rᵾi! 11Amp mbᵾ raka nᵾk molk, rᵾk rᵾk ik teng mint ndeing. Amp ndi, wu ik mbo endᵾk, wote wu ei nga ronduⱡ ei, tᵾpa mana ndupa, iti nᵾtangga mon nᵾnt. Amp ei, elim raka nimba muⱡangga. 13Ei nambuⱡ emel, Andam kuimp tepa mim itim. Wote, Seitan ei ndi, Andam kuimp tepa oⱡa tᵾpa kᵾni nᵾkᵾndrᵾm, mon! Amp ei, kuimp tepa ⱡawa itim. 15Ei kᵾn, amp mbᵾ ndi, kangambuⱡa mindil nok mek, wote uⱡ kun kai mbᵾ etᵾk, Got mondᵾk pilik numan ngok, wingti ralk molk, pilpa kungᵾndi kai ei tᵾng ndam, Got ndi, en enim rukᵾr tᵾmba.
Copyright information for
MED